Се одржа 21. Републички натпревар Млади библиотекари
На 20 мај 2022 година во просториите на НУУБ „Григор Прличев“ – Охрид се одржа 21. Републички натпревар Млади библиотекари. На натреварот учество зедоа 20 ученици од 19 основни училишта ширум државата.
Комисијата во состав: Андријана Апостоловска, Лили Бошевска и Сабије Мустафа како и член од домаќинот и член од менторите, го спроведоа тестирањето и по прегледаните тестови ги објавија следниве резултати:
- Првото место го освои Исидора Николоска од ОУ „Добре Јованоски“ – Прилеп.
- Второто место припадна на Тијана Стојменова од ООУ „Мануш Турновски“ од Ново Село, Струмица.
- Третото место припадна на Ива Додевска, ученичка од ООУ „Христијан Карпош“ од Куманово.
За првите три места, покрај диплома, имаше подарок книги како и ваучери добиени како донација од Нептун, а останатите учесници и нивните ментори добија подарок книги и дипломи.
Им честитаме и им се заблагодаруваме на добитниците и на сите коишто зедоа учество на овој натпревар.
Се гледаме повторно следната година!
ИО на БЗМ
