КОНКУРС за доделување на наградата „Климентова повелбa за животно дело“ за 2022 година
Наградата ја доделува Библиотекарското здружение на Македонија – Скопје за особени резултати од пошироко значење за развојот и афирмацијата на библиотечната дејност во Република Северна Македонија врз основа на Статутот на БЗМ и Правилникот за доделување на наградата. ИO на БЗМ по предлог на Комисијата за доделување на наградата распишува Конкурс со следните услови:
Општи услови
- Возрасната граница на кандидатите да е најмалку 60 години;
- Кандидатите да имаат најмалку 20 години работно искуство во библиотечната дејност.
Посебни услови
- Писмени препораки од најмалку двајца библиотекари-советници;
- Професионална биографија со приложени докази за особени резултати од пошироко значење за развојот и афирмацијата на библиотечната дејност во Република Северна Македонија;
- Список на објавени научни и стручни трудови;
- Да не е член на Комисијата или ИО на БЗМ.
Наградата се состои од повелба и паричен износ чија висина ја определува ИО на БЗМ и се доделува на библиотекари кои се членови на БЗМ од сите видови библиотеки во Република Северна Македонија.
Пријавата и задолжителната документација се доставуваат во затворен плик најдоцна до 25.11.2022 година на следната адреса:
Библиотекарско здружение на Македонија – Скопје
(до Комисија за доделување на наградата „Климентова повелбa за животно дело“)
Бул. Гоце Делчев, бр. 6, 1000 Скопје
и на мејл адресата на Здружението bzmnunub@gmail.com
Пријавите што ќе пристигнат по определениот рок или се со некомплетна документација нема да бидат разгледувани од Комисијата.
ИО на БЗМ
